قضية هامة للنقاش (هل يحق للشاب تفتيش-------؟)

[توفيق]

السلام عليكم
يا اخي ادا انا بدي افتش اختي على رسائل الجوال او ارقبها ما بحملها جوال من الاصل
ادا انا مش مأمن اختى من الاصل ما بحملها الجوال اما تفتيش لا

[المحتسبة]

السلام عليكم ورحمة الله وبركاته

حياكِ المولى اختي الفاضلة
بما انه الثقة موجودة بين الاخوة فلا داعي لكلمة تفتيش لانه هده الكلمة تدل على انه هناك شك بين الاخوة وانه ما في ثقة ...

لكن اختي بالنسبة لي انا عندي رقم خاص بسكر فيه الجوال وتقريبا كل اخوني معهم الرقم ولما افوت البيت بضعه ع الطاولة وعادي بستلموه خاصة على الاناشيد وامرار بوخدوه معهم وبطلعوا لكن رسائل والصور ما عمري شفتهم فتحوهن لانهم ما بلزم يفتحوهن ولا عمري منعتهم يفتحوا شيء بالجهاز الا الصور لانه هناك صور صديقاتي لهيك مابقربوا على الصور نهائي...

اما افتح جهاز اخي فاخواني عادي برضك بفتح اجهزتهم وبعطوني رقمهم السري بدون اشكالية ..
قصص الجوالات كتيرة لكن ثقة الاهل بتزيل اي اشكاليات قد تحصل .. اي رقم غريب بيجيني على طول بعطيه لاخواني وبتصرفوا ...


اما ادا كان هناك شك بينهم فاظن لا داعي ان يسمحوا لها باقتناء جوال لانهم ادا تصرفوا معها متل الشرطة بقتلوا ثقتها بنفسها وقدرتها على تحمل المسؤولية ..

التربية الصح ما بظن حد بعد هيك بخاف على بنته او ابنه

[dddd]

اميرة السرايا
معك مية مية بلى بتحكيه

كلام مقنع وهاد الى بحكيه المنطق

اهم شى الثقة واثق فيها خلاص مابتعمل هالشى تفتيش وهبل
اصلا مثل ماحكى الجميع ليه يعطيها الجوال اذا مافى ثقة بينهم


تحيتى
جزيت خيرا

[عاشقة المقاومة]

يحق للشاب ان يفتش جوال اخته وهل يحق للفتاة تكرار نفس التصرف مع اخيها ؟؟؟؟؟؟

يحق له ولكن بحدود يعنى النية لازم اتكون حسنة والغرض من هالشء هو الطمأنينة على اخته وليس تصيد الاخطاء كونها بنت

وبرأيك ما هي الدوافع وراء هذا التصرف؟؟
زمننا الحالى زمن مخيف ويجب اخد جميع الاحتياطات حتى لايتم الانزلاق الى شئء خطير بقصد او بدون قصد

وهل انت من ممارسي هذه الظاهرة ولماذا؟؟؟؟؟؟
احيانا بحب اشوف الرسائل او الصور بعلم اخوى فاشى طبيعى
وهو نفس الشئء طبعا

وما وجهة نظرك بالنسبة لهذه القضية؟؟؟؟؟؟؟؟
عادية جدا ولا مانع ابدا فيها

[عاشقة المقاومة]

الاخت اميرة سبقتى على انه كلمة تفتيش غير مناسبة لهالحالة
لانها تعطى شعور بالتشكيك

[حور فلسطين]

اشكركم اخوتي كل باسمه ولقبه على النقاش والحوار الهادف

[النونو]

لا يحق للشاب ان يفتش جوال اخته وهل يحق للفتاة تكرار نفس التصرف مع اخيها ؟؟؟؟؟؟
لا يحق له الا في موقف محددة او عندما يكون في لديه اي مبرر ولكن لا يصح للبنت الا تجعل اخيها يوم بتفتيش الجوال ما دامت واثقه من نفسها ....وبعدين ما دام الشاب مصرح لاخته حمل الجوال فلماذا التخلف اذن ؟؟؟؟اما بالنسبه للبنت فلا يحق لها ان تكرر اي امور مثل ذلك مع اخيها

وبرأيك ما هي الدوافع وراء هذا التصرف؟؟
أكيد هناك شكوك لديه او احد اصدقائه او جيرانه حاكيله شي شغله عن اخته


وهل انت من ممارسي هذه الظاهرة ولماذا؟؟؟؟؟؟
اعوذ بالله ما دمت انا واثق من اختي وما دمت انا راضي لها بحمل الجوال ولكن في بعض التصرفات تسيئ البنت

وما وجهة نظرك بالنسبة لهذه القضية؟؟؟؟؟؟؟؟

لا وجهة نظر لانه لكل حادث حديث ولكل تصرف له ما يليق به
وبارك الله فيكي اختي الكريمه

[قسامية]

بسم الله الرحمن الرحيم
بارك الله فيك اختي على هذا الموضوع لانو فعلا الواحد بستفيد من وجهات نظر المشاركين بس انا برايي مش عيب البنت تحمل معها جوال لانو الانسان ما بعرف شو بصير علي ظروف بتخلي يحمل الجوال
وما في مانع اذا الاخت فتشت جوال اخوها وكذلك العكس فما المانع من تفتيشه بالعكس انا بكل صراحة دائما افتش بجوال اخوتي وبعلق عليهم بس بنكون في غاية اللطف والضحك معهم وما عمرهم اعترضوا على هذا الشئ لانو الانسان الذي يتقي ربه لا يضع اشياء تافه بالجوال

على فكرة انا بشهر تسعة مع بداية الجامعة اخوي وعدني بهدية جوال بمناسبة نجاحي بالتوجيهي ومن ا جمل الموديلات انتو عليكم تباركولي لانكم انتو كمان اخوتي في هذا المنتدى وعلى فكرة الي مخرب الموضوع كلمة تفتيش الشغلة شغلة تسلاي ومزح مع اخوتي مش شغلت تفتيش




سلمت يداكي اختي على هذا الموضوع ودمتي ذخلرا للوطن




قساااااااااااااااااامية

[بنت الجنوب1]

انا دايما بفتش بجوال أخي
بس مش بدافع اني شاكه فيه لأ لاني بحب العب بالجوالات بنقل منه أناشيد صور بحول رصيد

هو كمان بيجي كل فتره وفتره بياخد جوالي وبيتفحص بس بأسلوب محترم
عادي مافيها شي

أصلا لولا انه واثق من تصرفات أخته ما خلاها تحمل جوال

المهم الثقه بين الاخت وأخوها

[الحارثة]

انا مع انو اخى يفتش جوالى في اي وقت يريده لا يوجد مشكلة بنسبة لى
وبارك الله فيكى اختى على
طرحك المميز زوالرائع

[Bint Aljihad]

عادي ما في مشكلة فيها انا دايما جوالي بايد اخوي واخوي ما بيوخده بقصد التفتيش فيه او انه

يعرف ايش فيه لاء بيكون بده يعمل فيه ايشي وعادي انا ما بضايق ، ولا حتى يفتش عادي

فيشي فيه حاجة غلط ما بتفرق معي كتير ، من وجهة نظري عادي ازا بيجي على بال الاخو انه

يفتش بجوال اخته عادي يفتش لانه ازا عمل هيك مع اخته بيكون من خوفه عليها مش اكتر.

مشكورة اختي على الطرح