الجريئ يجاوب..!

[سراب وطن]

أخ/ أبو رائد
جقيقة أسلوبك وكلماتك التي تستخدمها (دون تكلف) هي التي تعطي مواقفك رونق وجمال..
بجد أضحكتني.. أضحك الله سنك

حياك الله اخي أ. خالد سيف الدين , الله يعلم ما في القلوب , اشهد الله اني احبك لله في لله لوجه الكريم 11:1 , هذه مو مجامله بل حقيقة , ما بحب اجامل احد هي مشكلتي , يعني ما بحبك بقولها في وجهك , انا ببغضك لله وفي لله , ورحم الله إمراء نطق بالحق والحقيقة دوماّ 11:1

الواحد شو مستفيد يضحك ويمزح , بلكي تخرج ضحكه بجد وبحقيقة من القلب الحزين 11:1

وانا عارف , انا هيك بحب يكون اسلوبي , في المنتديات , اسلوب فرفشه اسلوب شباب , مو جدي في كل شيء وفي كل مكان , ولا أمعه في كل شيء وفي كل مكان لا , بل بين البنين يعني , وخير الامور الوسط 11:1

ونسئل الله ان يجعل الابتسامه والضحكه علي محيانا المبارك جميع ان شاء الله

أخوكم في الله فلسطين
أبو رائد

[ملآمح وطن]

اها مشكورين جميعكم على الاجابات الحلوة

اما انا اجى دوري لأجاوب

1) المـادة إلي تحبها ؟

كنت احب التاريخ بس بعدين فتت علمي وصرت احب الكيميا

2) المادة إلي تكرهها ؟

الانجليزي بشوف الحصة عمى

3) علمي ولا أدبي ؟

علمي

4) الإستاذ/ه إلي كنت تحبه/ها ؟

معلمة الادارة والاقتصاد

5) سويت مشكلة مرة وأخذت عليها إنذار أو فصل ؟

لا الحمدلله

6) موقف مضحك ماتنساه أيام الدراسة ؟

مممممم اها كل المواقف المضحكة كنت اعملها بمدرسة الكيمياء كانت تكره الحصة الي بتشوفني فيها مرة كانت فايتة الصف وما في حد بنات جايين كتير على المدرسة لانو كان في اشاعة انو اضراب عشان في شهدا هلأ انا ما بدي ناخد الحصة وكانت الاولى كل ما المدرسة بدها تبدى الشرح احكيلهم الفاتحة على روح الشهدا وكل ما احكي البنات يحكولها اسكتي يا ابلة بدنا نقرى الفاتحة(من يومها بتكره الحصة الي بتكون فيها علينا)

7) تنام بالحصص أو تتهرب منها..؟ متى ..؟ وبأي ماده ؟

اها في حصة الكيمياء الاستاذ يوسف قوش رحمه الله في تانية ثانوي

اها وبحصة حل الاسئلة في حصة الانجليزي اعمل حالي مريضة واطلع

8) مادة سقطت فيها ؟

لا ولا مادة

9) أعلى معدل حصلت عليه ومتى ؟

اها في فترة الابتدائية والاعدادية يا الاولى يا التانية يا التالتة على المدرسة
انا وخواتي كنا بنفس المدرسة كنا ناخد اول تلات مراتب بالمدرسة

10) جربت أنواع وأساليب [ الغش ] وكيف كانت الطرق ؟

لا والله اصلا بخاف في مرة حدفتلي صاحبتي ورقة تحت الطاولة ضليت رافعة رجلي وخايفة على بال ما المدرسة اجت وحكتلها في ورقة تحتي

11) عمركـ هربت من المدرسه ؟ ووين تروح اذا اه ؟
اها الصراحة كتير
في الحصة الاخيرة يوم الاربعاء والخميس لانو صاحبتي كانت ادبي وكانو ياخدو 5 حصص
وانا اهرب من الحصة عشان الاقيها ونحكي

[حفيدة الشقاقي]

ههههههههه


شو هادا يا سراب وطن

الله يعين المدير الي كان بمدرستك

زي توم وجيري قصتك

[dddd]

اولا مشكوووووووورة اختى نبض الوطن على اجمل ذكريات عادت لنا باسئلتك
بجد ايام المدرسة احلى ايام



1) المـادة إلي تحبها ؟

الحمدلله ولا مادة بحب ......... بس فى مواد احسن من غيرها( الكيمياء والفيزياء والاحياء)

2) المادة إلي تكرهها ؟

كلهم حكيت....... بس فى اكثر من غيرهم (تاااااااااااريخ بكره كره واكيييييييد الرياضيات طبعا)

3) علمي ولا أدبي ؟

علمى طبعا

4) الإستاذ/ه إلي كنت تحبه/ها ؟

عمرى ماحبيت استاذ درسنى او معلمة الا قليل.......... مدرس التربية الاسلامية كنت احبه كثيير اسمه عبد الرحمن ابو جودة ومعلمة اللغة الانجليزية بالصف السابع والثامن هيلين الاغا كثير بحبها وفى كمان بس قليل..........

5) سويت مشكلة مرة وأخذت عليها إنذار أو فصل ؟

سويت مشاكل بالابتدائية مع معلمة بس مااخدت عليها انذار ولا فصل وبالاعدادية بفتكر سويت مشكلة كمان مع استاذ .......... بس كله بكون الحق معى انا ...........

6) موقف مضحك ماتنساه أيام الدراسة ؟

موفاكرة بالزبط بس اكيد كثير اشياء كانت مضحكة........ فى موقف لصحبيتى ع باب المدرسة عمرة مابنساه ......... كل مابفتكرها بضحك.... كنت انا وشلتى طالعين اخر الدوام مروحين ع الباب كان فى راجل الكل بعرفه يعنى ع البركة انا بعرفه فما بخاف منه صحبيتى شافته ظله حاطط عينه علينا هى خافت شكله سمعها بتغلط عليه او شى فصار يلحق وراءها قامت هى وصارت تجرى تجرى بالشارع احنا متنا ضحك وهى بتجرى من الخوف بتجرى يومها حكينالها فضحتينا شو هاد ههههههههههههه عمرى مابنساها يعنى موقف رهيب بجد ومحرج بنفس الوقت لالها.........


7) تنام بالحصص أو تتهرب منها..؟ متى ..؟ وبأي ماده ؟

كنت بنام بالحصص الحفظ مثل الادارة والاقصتاد ....... اكثر شى كنت احاول اروح ع صف تانى ومااحضرها بس مانفع معى ولا محاولة .... كنت اجاوب باول الحصة مشان تشوفنى المعلمة محضرة بعدين احط راسى وانام لما تقرب منى اصحى لانو راح انقص علامات لو شافتنى كنت انام لانه اخر الدوام بتكون حصتها وبنسطل احنا............


8) مادة سقطت فيها ؟

الحمدلله ولا مادة مافى كنت بتمنى مرة ارسب بس ماصار نصيب هههههههههههه

9) أعلى معدل حصلت عليه ومتى ؟

مش فاكرة بالزبط كل معدلاتى كانت فوق ال98%.... وصلت اول ثانوى بدات تنقص لحتى ماصارت 96% .... لكن بتوجيهى نقصت كثير نزلت عن 95% للاسف نصيب وشو نعمل......


10) جربت أنواع وأساليب [ الغش ] وكيف كانت الطرق ؟

بفتكر مابدى اكزب .....جربته وانا صغيرة كنت بالصف التامن او السابع مش فاكرة كويس بس الى بفتكره بعدها ماغشيت ابدا والحمدلله لانو يوم ماحاولت اغش كنت كاتبة ع كتاب انمسكت من معلمتى الى بمووووت فيها وذكرت اسمها فوق هيلين الاغا وبحبها كثييييير وبتحبنى انصدمت فى بعدها ماقدرت اطلع بوجهها ابدا وظليتنى خجلانة منها ومااحكى معها لحتى ماطلعت من المدرسة كلها وانتقلت لمرحلة الاعدادية بمدرسة تانية من بعدها الحمدلله تبت وماغشيت بس بغشش للاسف ............... كانت تجربة والحمدلله انو صارت معى لانو من خلالها بعدت عن الغش

يالله احلى ذكرى بحياتى ............

11) عمركـ هربت من المدرسه ؟ ووين تروح اذا اه ؟

اه اخر حصص كنت اهرب يوم السبت كنا ناخد الوحيدين سبع حصص احنا بس لانا علمى المدرسة كلها تروح الا احنا كنا نعمل مشاكل لحتى يطلعونا نوصل البيت ع 2 بذكر مرة عملنا انقلاب ع المدرسة وروحنا هههههههههه هروب والله بس تعاقبنا تانى يوم قدام المدرسة كلها كلها فضيحة كانت لصفنا.......... ويوم الاربعا والخميس كنا ناخذ ستة والكل خمسة برده نعمل المستحيل ونروح لانو الى بنات بطريقى بس ادبى كنت اروح معهم ومابحب اروح لحالى فمشان هيك احاول اخر حصة نضحك ع المعلمة ونقنعها نروح ونروح احيانا بس مش دايما لانو كانت حصة اى تى واستحالة نروح .........

يعنى بدنا نهرب وين نروح مش شباب احنا نروح مطاعم..... ع البيت ع طول من المدرسة للبيت ومن البيت للمدرسة كنا مهابيل مابنفهم بالطشات هههههههههههه خخخخخخخخخخخخ بمزح


تحيتى لكى اختى جزيت خيرا
بجد احلى ذكريات بحياتى ياااااااااااريت ترجع يااااااااااريت
بلا هالهم الى احنا فيه الجامعة بتقرف وصعبة وحرية كثيييرة فيها مافى حد بهتم فيك كل شى اعمله مش مهم صح ولا غلط اعمل انت حر وهاد مش كويس الحرية اذا زادت عن حدها دمار للاسف ..............

بارك الله فيكى

[بنت الشقاقي]

سأشارك فقط لأني أحن هذه الأيام كثيرا وبشكل غير معقول لأيام الدراسة في المدرسة ولأخواتي وزميلاتي ، وتمنياتي بالعودة إليها .

بسم الله

) المـادة إلي تحبها ؟

(مادة التكنولوجيا) و(التاريخ
)
2) المادة إلي تكرهها ؟

الإنجليزي ...أنا وإياها أعداء

3) علمي ولا أدبي ؟

أدبي

4) الإستاذ/ه إلي كنت تحبه/ها ؟

معلمة التكنولوجيا

5) سويت مشكلة مرة وأخذت عليها إنذار أو فصل ؟

ولا مرة ولله الحمد ، لكن كانت هناك بعض الإشكاليات التي تواجهني أنا وأخواتي (عاشقة الجهاد والإستشهاد ) و(خنساء السرايا ) عندما كنا نوزع نشاطات للجماعة الإسلامية وخصوصا كان ذلك من مديرة المدرسة الفتحاوية وكذلك معلمة العربي والتي كانت تصر الأخيرة على عدم جلوسنا أنا والأخت عاشقة الجهاد والإستشهاد بدرج واحد ....لكن رغم ذلك علاقتنا جيدة وبقي الإحترام والمحبة .


6) موقف مضحك ماتنساه أيام الدراسة ؟

يا الله ، لا أدري ماذا أذكر لأذكر ...أيام المدرسة رائعة جدا جدا جدا
ولو أردت ذكر تلك المواقف لن أنتهي لكن سأذكر موقف صار معي أنا والأخت عاشقة الجهاد والإستشهاد وحدث ونحن في التوجيهي.

كانت علينا مادة الجعرافيا والمعلمة صاحبة المادة تفرض دائما علينا اغلاق الكتب وأي سؤال تسأله للطالبة ولا تعرف الإجابة ، تستعد لعاصفة من البهادل ،، المهم أنا والأخت عاشقة الجهاد ما كنا محضرين الدرس بذاك اليوم وكنا جالسات بالدرج الأول يعني فرصة نفتح الكتاب ونغش ضئيلة جدا ...المهم وأثناء الشرح اتفقنا أن تتقدم قليلا للأمام كتغطية علي وفتحت الكتاب وكان سؤال المعلمة وقتها عن الضغط الجوي وأنوية التكاثف أختكم بنت الشقاقي فتحت الكتاب وأول ما فتحت لقطت عالسريع كلمة "أنوية التكاثف " وقرأت وجمعت إجابة ووصلتها لعاشقة الجهاد واستعدينا للإجابة وبعدها المعلمة أختارت الأخت عاشقة الجهاد تجيب وأختنا تجيب بكل ثقة لكن المعلمة والطالبات تفاجأن من الإجابة وعلامات الإندهاش بدأت تظهر عليهن والأخت عاشقة الجهاد تصر على ان الإجابة صحيحة ومن الكتاب وأختكم بنت الشقاقي تدخلت بتأكيد صحة الإجابة وحتى نثبت صحتها لهن فتحنا الكتاب على مكان الإجابة وعندها اكتشفنا والمعلمة تتابع أننانجيب عن درس آخر وليس درسنا ، وقضينا الحصة كلها كلما نتذكر الحادثة ضحك في ضحك.




7) تنام بالحصص أو تتهرب منها..؟ متى ..؟ وبأي ماده ؟

هروب مستحيل أما النعاس والملل والضيق بحصة الانجليزي وأحيانا العربي ...وبعض المواد التي تكون بعد الحصة الرابعة باستثناء مادة الرياضيات والتكنولوجيا .

8) مادة سقطت فيها ؟


الحمد لله ولا مادة

9) أعلى معدل حصلت عليه ومتى ؟

الجغرافيا 99 ولا أدري متى لكن أعتقد إما بالصف 7 أو 8 .

10) جربت أنواع وأساليب [ الغش ] وكيف كانت الطرق ؟


بالطبع جربت ، بالصفوف ما قبل التوجيهي كنت أحيانا أكتب على الدرج أما بالتوجيهي لم أمارس العملية كثيرا وكنت أعتمد على حفظ المادة كلها ،، لكن كنت محترفة بالتغشيش .

11) عمركـ هربت من المدرسه ؟ ووين تروح اذا اه ؟

لا طبعا

[بنت الشقاقي]

بدها تبدى الشرح احكيلهم الفاتحة على روح الشهدا وكل ما احكي البنات يحكولها اسكتي يا ابلة بدنا نقرى الفاتحة(من يومها بتكره الحصة الي بتكون فيها علينا)

اضحك الله سنك يا أختي ، ضحكت والله من قلب
وذكرتني حادثتك هذه بالحركات التي كنا نفعلها عندما تدير المعلمة رأسها للوح...وعندما تستفسر عن سبب ضحكنا ، تجدي كل البنات مؤدبات ...

إيام المدرسة أيام ولا أروع

[بنت الجنوب1]

1) المـادة إلي تحبها ؟

الكيميا


2) المادة إلي تكرهها ؟

E

علمي ولا أدبي ؟

علمي

4) الإستاذ/ه إلي كنت تحبه/ها ؟

معلمه من دار شراب كان الها أثر كبير في تغير حياتى ( للأفضل طبعا)

5) سويت مشكلة مرة وأخذت عليها إنذار أو فصل ؟

ابدا عمري بحياتي ما عملت مشاكل ولا بحب المشاكل

6) موقف مضحك ماتنساه أيام الدراسة ؟

مش فاكره بس لما أتذكر بحكيلكم

7) تنام بالحصص أو تتهرب منها..؟ متى ..؟ وبأي ماده ؟

بمادة الاحياء كان الاستاذ ممل
بس كان قوي وكان دايما يعاقبنا

مادة سقطت فيها ؟

الحمد لله ما سقطت ولا بمادة
9) أعلى معدل حصلت عليه ومتى ؟

في الثاني الاعدادي 98


10) جربت أنواع وأساليب [ الغش ] وكيف كانت الطرق ؟

كان في غش بس مو كتير وكمان دائما كنت أنكشف
بس كانت المعلمه تسامحنا
كما ن احلى شي معلمة الاسلاميه كانت بالامتحان تقول يا بنات من غشنا فليس منا وتطلع عالباب وتتركنا ويعاد البنات ما يصدقوا
كانوا دايما يطلبوها مراقبه فالامتحانات

عمركـ هربت من المدرسه ؟ ووين تروح اذا اه ؟

ابدا
كان الوكيل صعب كتير ما بيسمح لحد حتى لو كان مريض غير يجي ولي الامر

[المحتسبة]

السلام عليكم ورحمة الله وبركاته

حياكِ المولى اختي

1) المـادة إلي تحبها ؟

التاريخ والرياضيات والجغرافية بس التعيين على الخريطة كنت اموت على هيك اشياء

2) المادة إلي تكرهها ؟

الانجليزي بكل فخر

3) علمي ولا أدبي ؟

ادبي طبعا وياليت فتت علمي واسمعت كلام المسات
وكلام اهلي لكن الخيرة فيما اختاره الله

4) الإستاذ/ه إلي كنت تحبه/ها ؟

مدرسة العربي ومدرسة الانجليزي ومدرسة التاريخ .. ومعظم المدرسات كنت احبهن وهن كدلك

5) سويت مشكلة مرة وأخذت عليها إنذار أو فصل ؟

ما عمري تمشكلة مع مدرسة او مديرة دائما الاحترام والمحبة بينا ولكن ادكر انه مرة المديرة صيحة ولكن بخجل امامي لاني يومها زودتها .. كل مداخل المدرسة وجدرانها زينتها بصور الدكتور فتحي رحمة الله عليه ارتفع ضغطها لانها فتحاوية وانا بحكيلها مو انا حطيتهن بس هي عارفة البلى من تحت راسي.. الله يسامحها ضيعت تعبنا احمد ربي ما اعطتني لا اندار ولاشيء

6) موقف مضحك ماتنساه أيام الدراسة ؟

المواقف المضحكة لما كنا نعمل مقالب بالمسات وتيجي المديرة تبهدل ودرجة حرارتها تصل المليون ونحن نضحك عليهن بس موقف معين مو داكرة

7) تنام بالحصص أو تتهرب منها..؟ متى ..؟ وبأي ماده ؟

المس الي كانت تنيمنا لانها بحكيها بنوم متل حبوب المخدر عندها خاصية تنويم مو طبيعية .. طبعا بمادة الفيزياء وانا بعاشر ومادة العلوم باول تنوي وتاني تنوي لانها نفس المس
الي كانت تعطينا

8) مادة سقطت فيها ؟

9)

الكدب حرام مادة الانجليزي على ما ادكر وانا بالصف السابع وبعد هيك حرمت اتهاون مع نفسي بالانجليزي بعد وعد قطعته لاهلي طبعا

أعلى معدل حصلت عليه ومتى ؟

اعلى معدل كان باول تانوي وتاني تانوي"توجيهي" اخدت 92 والمس مربيت صفنا صارت تحكيلي بس انتي وقفي عن اللعب بالدراسة بتجيبي اعلى لكن للاسف ياله بالجامعة عوضت كل شيء

10) جربت أنواع وأساليب [ الغش ] وكيف كانت الطرق ؟

اكيد بس صدقا بالانجليزي كنت اغش بالمعاني واغشش صاحبتي بالقواعد .. الطريقة كنا جنب بعض ونضع الاوراق بالنص هدي بدك اياها ولا هادي .. المراقب كان استاد وكان بس يخبط باليد ع الدرج ويروح ..
بس في موقف محرج ربنا ستر يومها.. زميلة لي طلبت مساعدتي بالتقطيع العروضي بمادة العربي فقطعتلها ابيات الشعر على ورقة ورميتها قدامها اله الاستاد بيجي وبحمل الورقة لو فتحها كان عرف خطي بس البنت اخدتها منه بسرعة ..

11) عمركـ هربت من المدرسه ؟ ووين تروح اذا اه ؟

لا طبعا.. كنت احب المدرسة وللان بحبها اكتر من الجامعة ونفسي ارجعلها
ايام المدرسة لا تعوض والواحد لازم يعيشها بطولها وعرضها لانه بالجامعة كبت على الاخر بسبب الاختلاط يعني لا بتقدري تضحكي بصوت عالي ولا تركضي ولا تلعبي ولا تعملي مقالب متل المدرسة ..


اشكرك اختي فتحتي جروحي وحبي للمدرسة والي فيها
دائما بسأل على المسات وللاسف معظمهن تارك المدرسة لمدارس تانية رايحات ..

ياله بس بالجامعة برضك بحترم دكاترتي متل المسات ولهم قدر من المعزة عندي ايضا

[ملآمح وطن]

بعد التفكير الحكيم والراجح , قررت اعود مرة اخري لشبكة بوابة الاقصي


اهلا وسهلا بيك اخي ابو رائد

واحنا ما بنقدر نستغنى عن موضيعك

وحضورك معنى

نورت الشبكة

اختك ام وطن

[المتسائلة]

التاريخ والرياضيات والجغرافية بس التعيين على الخريطة كنت اموت على هيك اشياء

ايش يا أختي (((أميرة السرايا))) بتحب الرياضيات وأعداءها الجغرافيا والتاريخ مع بعض

والله انك رهيبة 22:2

[المحتسبة]

ايش يا أختي (((أميرة السرايا))) بتحب الرياضيات وأعداءها الجغرافيا والتاريخ مع بعض

والله انك رهيبة 22:2

ما في شيء عدو الاخر كله علم
بس الرياضيات تاع الادبي سهل لهيك بنحب والتاريخ طبعا مافي اسهل منه .. الجغرافية كان يعطينا اياه استاد وياعيني عليه وعلى اسئلته معظمهن غلط ..
ادكر مرة اجى عنا موجه والموجه طبعا بطرح اسئلة علينا فصار يسأل مين يعين مضيق سنغافورة ولا حد رفع ايده الاستاد احمر وجهه .. والاستاد يحكى اعطيتكم اياه ونحن نحكي لا يا استاد ولا عمرك بحياتك حكتنا عنه هدي اول مرة بنسمع فيه الاستاد احمر وجهه واتشقلب وتقلب والله اعلم ايش حكاله الموجه.. المشكلة الاكبر مرة اعطانا امتحان جاب سؤال طريقة طرحه غلط فالاخ بده يحطلي صفر عليه احكي معه جبتله الكتاب ما اقتنع انه سؤاله غلط رحت لمربية الصف وما ارضيت اكلم الاستاد وطول الحصة عابسة بوجهه بالاخر عصب وصار يصيح وانا ولا معي خبر لكن المربية طلعت من خرجه و وقفت معي ومتل الشطار حطلي علامة كاملة.. واجى يحكيلي "المفروض تيجي تحكيلي مو هيك تعملي"
الله يسهل عليه كنا نحكيله " فراشة" ههه

[المتسائلة]

ما في شيء عدو الاخر كله علم

كنت بأمازحك ياأختي وكل فكري راح على رياضيات اللي بخص العلمي لأن صعب تلاقي حدا بحب الرياضيات مع المواد الاجتماعية.....

الله يسهل عليه كنا نحكيله " فراشة" ههه

هههههههه والله انك ضحكتيني على أي أساس فراشة

أسعدك الله أختي اميرة السرايا

بأمان الله

[Bint Aljihad]

1) المـادة إلي تحبها ؟

التكنولوجيا
2) المادة إلي تكرهها ؟
الانجليزي والتاريخ بس التاريخ اهون عندي من الانجليزي على القليلة بالعربي بفهم ايش مكتوب فيه بس البلا الانجليزي معدومة فيه عدم الصابرين
التاريخ
3) علمي ولا أدبي ؟

ادبي
4) الإستاذ/ه إلي كنت تحبه/ها ؟

كمان مدرسة التكنولوجيا
5) سويت مشكلة مرة وأخذت عليها إنذار أو فصل ؟

لا ءطبعا بس كنت دايما يدوني على المرشدة علشاني مشاغبة بس ولا عمري انفصلت
6) موقف مضحك ماتنساه أيام الدراسة ؟

بلاش احكيه احسن

7) تنام بالحصص أو تتهرب منها..؟ متى ..؟ وبأي ماده ؟
في مادة التاريح وانا بالصف الحادي عشر كنت انام واصحي ولسة الاستاز بيبرم وبحصة الانجليزي بكرها هادي المادة اشوف العمى ولا اشوفها

8) مادة سقطت فيها ؟
ولا عمري سقطت يبعد عنا شر السقوط

9) أعلى معدل حصلت عليه ومتى ؟
دايما معدلاتي عالية بالدرسة بس بالجامعة مش عارفة ايش صار ايلي

10) جربت أنواع وأساليب [ الغش ] وكيف كانت الطرق ؟
احيانا بس ولا عمري برشمت كنت بخاف من البراشيم بس كنت احكي مع صحبيبتي بالاشارات

11) عمركـ هربت من المدرسه ؟ ووين تروح اذا اه ؟

لا طبعا بس لو اني ولد لكان بقصرش لكان كنت اشرد

[Bint Aljihad]

1) المـادة إلي تحبها ؟

التكنولوجيا
2) المادة إلي تكرهها ؟

التاريخ
3) علمي ولا أدبي ؟

ادبي
4) الإستاذ/ه إلي كنت تحبه/ها ؟

كمان مدرسة التكنولوجيا
5) سويت مشكلة مرة وأخذت عليها إنذار أو فصل ؟

لا ءطبعا بس كنت دايما يدوني على المرشدة علشاني مشاغبة بس ولا عمري انفصلت
6) موقف مضحك ماتنساه أيام الدراسة ؟

بلاش احكيه احسن

7) تنام بالحصص أو تتهرب منها..؟ متى ..؟ وبأي ماده ؟
في مادة التاريح وانا بالصف الحادي عشر كنت انام واصحي ولسة الاستاز بيبرم وبحصة الانجليزي بكرها هادي المادة اشوف العمى ولا اشوفها

8) مادة سقطت فيها ؟
ولا عمري سقطت يبعد عنا شر السقوط

9) أعلى معدل حصلت عليه ومتى ؟
دايما معدلاتي عالية بالدرسة بس بالجامعة مش عارفة ايش صار ايلي

10) جربت أنواع وأساليب [ الغش ] وكيف كانت الطرق ؟
احيانا بس ولا عمري برشمت كنت بخاف من البراشيم بس كنت احكي مع صحبيبتي بالاشارات

11) عمركـ هربت من المدرسه ؟ ووين تروح اذا اه ؟

لا طبعا بس لو اني ولد لكان بقصرش لكان كنت اشرد

[ملآمح وطن]

11) عمركـ هربت من المدرسه ؟ ووين تروح اذا اه ؟

لا طبعا بس لو اني ولد لكان بقصرش لكان كنت اشرد


اها الحمد لله ربنا الو حكمة