الأمثال الشعبية الفلسطينية ... لو عكا خافت من هيدير البحر ...

[أسود الحرب]

* الزيت عماد البيت

* عمارة البيت خبز وزيت

* القمح والزيت سَبْعين في البيت

* الزيت مسامير المعصب

* الزيت ملك العاجز

* كول زيت وانطح الحيط

* سيل الزيتون من سيل كانون

* إن لسّن الزيتون في شباط حضرولو لبطاط

* إن أخرج في شباط حضرولو البطاط

* إن لسن الزيتون في أيار هيأولو الزيار

(هذي الأمثال بحبها إسماعيل هنية)

هههههههه
أجرنه بقلنا أول ما فازوا بدنا نكل الزيت والزعتر
طلع مش من قلة
بموت في الزيت 88:8

[البيساني]

88:8 88:8 88:8

عد رجالك عدي من الأقرع للمصدي

هههههههههه

مشهورة صح كلامك

خذلك هالمثلين


الزمن دواار يوم إلك ويوم عليك

:::::::::::::::::::::::::::::::::::::::::::::::::: :::::::::::::::::

أعطي الخبز لخبازه لو أكل ثلث أرباعه

10:10 10:10

بس أمثالك إلها مغزى سياسي !!!

شو يوم إلك ويوم عليك؟
هلأ بفكروا الموضوع إله علاقة بأحداث غزة وتكلب ليخه (وكأنك يا زيد ما غزيت)
99:9 99:9

[البيساني]

القرد في عين أمه غزال
* اللي أمه خبازه ما بيجوع

* اللي بتزوج أمي بصير عمي

* اللي بتطلع لفوق رقبته بتنكسر

* اللي بخاف من العقرب بطلع له

* اللي بدق الباب بسمع الجواب

* اللي بدو الدح ما بقول اح

* اللي بسعدها زمانها بتجيب بناتها قبل صبيانها

* اللي بلاعب القط يصبر ع خرابيشه

* اللي بقعد مع العوران لازم يعوّر عين

* اللي بيته من قزاز ما يرمي الناس حجارة

* اللي بيزرع الخير يحصد البركة

* اللي خلفه أبوك لك ولأخوك

* اللي على راسه جره يتلمسها

* اللي عنده مال محيره يشتري حمام ويطيره

[البيساني]

* المنحوس منحوس ولو حطوا على راسه فانوس

* المنية ولا الدنية

* الموت بين الناس نعاس

* المي لا تمشي إلا بمجاريها

* النار ولا العار

* الولد البكر يحيي الذكر

* الولد ولد ولو صار قاضي بلد

* آمن من حَمام الحرم

* إن كانت الحية بتنحط بالعب، عمر العدو ما بينحب

* إن مال عليك الزمان ميل على ذراعك

* أهل السماح ملاح

* أهلك لا تهلك

[البيساني]

* شعرة على شعره تساوي دقن

(هذا يلي كان ناقص)

[أسود الحرب]

10:10 10:10

بس أمثالك إلها مغزى سياسي !!!

شو يوم إلك ويوم عليك؟
هلأ بفكروا الموضوع إله علاقة بأحداث غزة وتكلب ليخه (وكأنك يا زيد ما غزيت)
99:9 99:9

ههههه
لا إطمئن هان في المنتدى العام ما بقدروا يحكوا بالسياسة

هذا قسم رواقة وهداوة والكل بحب الهداوة والرواقة هان بعكس الشقع والرقع الجدال في السياسي .

ولا كييييف

[البيساني]

هذي الأمثال لازم قادة السلطة الفلسطينية يبروزوها في البيوت عندهم
* عمر الحية ما صارت خية

* عمر الدم ما صار ميّ

* عمر العدو ما صار حبيب إلاّ لما يصير الحمار طبيب

[البيساني]

ههههه
لا إطمئن هان في المنتدى العام ما بقدروا يحكوا بالسياسة

هذا قسم رواقة وهداوة والكل بحب الهداوة والرواقة هان بعكس الشقع والرقع الجدال في السياسي .

ولا كييييف

والله يا حج بعتبر هذا القسم أفضل قسم

يعني شغل روقاااااااااااان

[البيساني]

* لا يموت الذيب ولا تفنى الغنم

* لو بشوف الجمل حردبته كان بيوقع وبيكسر رقبته

* ما بعنا بالكوم غير اليوم

* ما في شدة إلاّ وراها فرج

* ما ضاع حق وراه مطالب

* ما يبكي على الولد إلاّ اللي رباه

* ما يطلع من دار المطبلين غير المزمرين

* ماحدا طلع من بطن أمه متعلم

* مال الحرام ما بيدوم

* مثل البوم ما بنعق إلا بالخراب

* مثل القرعة بتتباهى بشعر بنت أختها

* معك قرش، تسوى قرش

* ابن أمّك لا تخونه ولو كنت خاين (ولووووووووو على هـ المثل قد ما رجعي واستسلامي)

[أسود الحرب]

هاي شوية أمثال منقولة من أحد المواقع.



غلطة المعلم بألف

العين بتعلاش على الحاجب

اللي بدق الباب بسمع الجواب

ما بحرث الأرض إلا عجولها

اللي ما عنده زرع ما عنده قلع

يا جبل ما يهزك ريح

ما في شدة إلاّ وراها فرج

العاقل وديه ولا توصيه

من أمّنك لا تخونه ولو كنت خاين

زي السمك بس يطلع من المية بموت

الدهر دولاب يوم معك ويوم عليك

إسأل مجرب ولا تسأل حكيم

عصفور في اليد ولا عشرة على الشجرة

صنعة في اليد أمان من الفقر

صاحب الصنعة مالك قلعة

وجع ساعة ولا كل ساعة

[البيساني]

* من يمسك إصبعه صحيح لا يدمي ولا يقيح

* ميه مالحة ووجوه كالحة

* ناس في هناها وناس في عزاها

* نص البطن بغني عن ملاته

* نوم السراري للضحى العالي

* هم البنات للممات

* هين فلوسك ولا تهين نفوسك

* وجع ساعة ولا كل ساعة

* يا رايح كثر الملايح

* يا فرعون مين فرعنك، ما لقيت حدا يردني

* يا معمر بغير بلدك ما هو إلك ولا لولدك

* ايد الحر ميزان

* يكفيك شر جوعان وشبع

* ينام اللي ما على قلبه هم

[أسود الحرب]

ينام اللي ما على قلبه هم

الفلاح يبذر حبه وبيتكل على ربه

الجود من الموجود

إللي إِلُه غايب بيظل قلبه ذايب

احترم كبيرك بيحترمك صغيرك

اللي بيزرع الخير يحصد البركة

اللي يطلع من ثوبه يعرى

أهلك ولا تهلك

اللي من دمك ما يخلو من همك

عمر الدم ما صار ميّ

الظفر ما بطلع من اللحم

أصلك يردك

الحر ما يتنكر لأصله

اللي ما لو كبير مالو تدبير

جارك القريب ولا أخوك البعيد

الجار للجار ولو جار

[أسود الحرب]

* عمر العدو ما صار حبيب إلاّ لما يصير الحمار طبيب

رسالة هادي لعباس ودحلان الأمريكي

[البيساني]

هاي شوية أمثال منقولة من أحد المواقع.



غلطة المعلم بألف

العين بتعلاش على الحاجب

اللي بدق الباب بسمع الجواب

ما بحرث الأرض إلا عجولها

اللي ما عنده زرع ما عنده قلع

يا جبل ما يهزك ريح

ما في شدة إلاّ وراها فرج

العاقل وديه ولا توصيه

من أمّنك لا تخونه ولو كنت خاين

زي السمك بس يطلع من المية بموت

الدهر دولاب يوم معك ويوم عليك

إسأل مجرب ولا تسأل حكيم

عصفور في اليد ولا عشرة على الشجرة

صنعة في اليد أمان من الفقر

صاحب الصنعة مالك قلعة

وجع ساعة ولا كل ساعة

.


طب هلق أخي

لو بحثنا في بعض الأمثال مو راح تلاقيها شغل"استضعاف للنفس" يعني مثل

من أمّنك لا تخونه ولو كنت خاين

[البيساني]

رسالة هادي لعباس ودحلان الأمريكي

راح أحتفظ فيها وأعلق فيها بأحد مواضيع المنتدى السياسي


لأن المثل مثل بيت الشعر ذا دلالة بس لازم يقرأ صح