فلسطين تتعادل مع فريق بيقولو انه منتخب جنوب افريقيا

[أبو أُسيد]

طبعا انضربت في مخي و قلت خليني احضر مباراة منتخب فلسطين اسمه النا منتخب احنا زي الناس يعني

قالوا انه منتخب جنوب أفريقيا بس طلع منتخب جنوب أفريقيا عليه مباراة بكرة

المهم بأتفرج عالمباراة ولا لقيت منتخب جنوب افريقيا كلهم حبة اولاد صغار ما بيتعدوا العشرين سنة

بدت المباراة و كلها عك كروي من الجهتين ولا واحد بيعطي كورة سليمة بالمرة .. الاعبين بيخبطو ببعض و كل واحد ... و نيجي للمعلق ... قاعد بيحكي عن الانجازات و عن التاريخ و بيحكي في واد و المباراة في واد

في اول الدقائق منتخبنا جاب هدف بالهبل عن طريق اسماعيل العمور لاعب الأمعري

و في اخر الدقائق اولاد جنوب افريقيا جابو هدف بهبل مدافعينا



و المعلق بعد هدف فلسطين بيقول لحارس مرمى جنوب افريقيا .. يا ويليام لا تيأس لا زالت المباراة بأولها

و بعديها بيحكي هدف تلفزيوني يا عمور


و التصوير في جهة و الكورة في جهة .. حسيت حالي اهبل عشاني اتفرجت عالمباراة



و جبتلكم أهداف المباراة عشان تستمتعوا بالعرض الكروي الرائع للغاية


هدف اسماعيل العمور على الرابط التالي::::

http://www.youtube.com/watch?v=_r7Wts-F4Dg

هدف التعادل لجنوب افريقيا

http://www.youtube.com/watch?v=1s4VCnc7y0s

[محمد عز الدين]

رد: فلسطين تتعادل مع فريق بيقولو انه منتخب جنوب افريقيا

أنا لم أكلف نفسي بـِ مشاهدتها .. الظرف معلوم من عنوانه هههه
بس إنسى المباراة فـِ وادٍ وتعليقك فـِ وادٍ آخر قلقيشن ههههه