رسالة شديدة اللهجة من إيمان بدوي المصرية الى حركة حماس

[ابو مهند]

التاريخ : 21/9/2008

بسم الله الرحمن الرحيم

ايام و شهور و انا ماسكة لسانى على الاخر

واقول اللهم إخزيك يا شيطان و لنبعد عن الفتن اللي بين حماس و فتح

بس مش قادرة ومش عارفة ليه محدش بيتكلم !!!!

خايفين على زعل حماس؟؟؟

آن الأوان نزعلهم ويتفلقوا يمكن يفوقوا ويعرفوا مش علشان ساكتين هنفضل ساكتين والا احنا راضيين و الا موافقين لالالالالالالالالالا

هذه المرة مش حماس و فتح دى حماس و الناس

إيه الجبروت و الافتراء دة ؟؟!!!!

علشان واحد مطلوب تقبضوا عليه تقتلوا أمامه 12 فلسطينى ؟؟!!

في أى شرع وقانون و غابة و ملة و دين

أدخل أجيب واحد مستعصى علية بدل ما أحاول وأنتظر و أنتظر

أدخل أضرب وسط بيوت الأهالى اللي إختفى فيها بالرشاشات و الصواريخ و الهاون ؟؟!!

هاون وسط بيوت الناس!! يا الله يا رب تقتلوا 12 منهم طفل سنة و نص !!!

علشان إيه؟

علشان واحد طالبينه

طيب مكنش ممكن التصرف بحكمة علشان خاطر باقى الناس و الاطفال و الحريم اللي فى البيوت؟

اهلكم فى فلسطين مالهمش ثمن و لا خاطر عندكم

طيب علشان خاطر الشهر الحرام رمضان

طيب علشان خاطر ربنا يا مفتريين طيب مش خايفين على اسمكم الكبير و تاريخكم ودم شهدائكم الغالى؟ انا اتكلمت مع فلسطينيين كتيير كلهم بجميع اطيافهم مستائيين جدااااااااااا من حماس و افعالها

الكل بقى خايف منها ماهو أديكوا شايفين اللي بتعمله

الاسلام قال كدة ؟ !! ؟

طيب قال كدة فى رمضان؟

طيب قال برضو تعدموا 4 إخوات قدام أمهم

وأخين تانيين برضو أمام أهلهم

وكل الاصابات كلها فى الرأس والصدر يعنى ضرب للقتل مش للقبض عليهم او اصابتهم

صايمين و فى الصيام تفطروا على دم اخواتكم يا مفتريين يا ظلمة

لا و ايه علشان واحد من عائلة دغمش قتل واحد من حماس

طيب اعملوله خطة و هاتوه

مش تقتلوا 12 معاه

12 من عائلة واحدة و ايه

بعد ما أخدوا واحد أسير و قبضوا عليه

اخدوه لأسرة القتيل و خلوا ابنه الطفل اللي عنده 10 سنوات يضرب عليه نار

وبعدين فرغوا فيه عشرات الطلقات

زى سميح المدهون - الله - هو بقى مزاج عندكم و الا إيه؟

هو المفروض الشرطة لما تقبض على حد حتى لو كان القتيل من الشرطة

ياخدوا القاتل كدة و يحطوه وهو مصاب و يخلوا كل اللى معدي يضرب عليه رصاص

حتى الطفل اللى عنده 10 سنوات يا مفتريين كل كلمة قلتها رابطها تحت

اقراوا إزاي الاخوات ال4 إتعدموا قدام أمهم و لما جت تحوش عن ولادها ضربوها بالنار فى رجليها

ودخلوا اعدموا الشباب داخل بيوتهم

وكل الطلقات فى الراس و الصدر

انتقام الجبابرة الله ينتقم منكم بحق الشهر الكريم جتكم القرف قرفتونا

حسبنا الله و نعم الوكيل عليكم يا حماس

اذا كان لسة فى حماس و لسة فيها راجل بيعرف الله و بيخاف ربنا ينفد بجلده حماس انتهت من زمان

من ساعة ما استشهد أحسن ناس

ياسين و الرنتيسى و شحادة

وهل كان حد يتجرأ على ايامهم يعمل الاعمال السودة دي ؟؟!!!

بعدها خلاص

انتهت حماس

وكل يوم بتنتهى اكتر و اكتر انا فيه ناس منهم واكلة معاهم عيش و ملح و بحبهم

وعلشان خاطر العيش و الملح بقولهم خلالالالالاص كفاية انفدوا بجلدكم

طيب فيه ناس بتسأل ايه رأى الناس وخصوصا الاخوان فى حماس بعد ما اوغلت فى الدم الفلسطينى للاعناق؟

وليه محدش بيكلمهم زى مانا بقولهم فى وشهم مش من ورا ظهرهم؟

طيب واحد تانى صهيونى فى ساحة حوار قناة أجنبية كان بينشر وبيعلق على مدبحة سابقة لحماس

ماهى حماس واخدة العائلات الفلسطينية تدبحها عيلة عيلة

قال: احنا مش محتاجين نشوه صورة حماس هما قايمين بالواجب و بيشوهوا صورتهم بنفسهم ماقدرتش افتح بقى و أرد عليه

هتقولوا ايه للناس اللي كانوا بيحبوكم؟

هتقولوا ايه للشعب المسلم و العربى؟

هتقولوا ايه للاجانب اللى بيخاطروا بحياتهم علشان فلسطين و غزة المحاصرة

بلاش

طيب

هتقولوا إيه لربنا يوم القيامة

و إيديكم كلها دم ؟؟!!

اذا كنتى كبيرة يا حماس

الله اكبر

حسبى الله و نعم الوكيل

حسبى الله و نعم الوكيل

حسبى الله و نعم الوكيل

ايمان بدوى
مواطنة مصرية

[ابو مهند]

حسبنا الله ونعم الوكيل

[كتـائب القسـام]

بالله توصلها رسالة / وقلها خليكي في حالك وحكومتك الفرعونية وياريت تفتحو لينا المعابر ورفح ياسي ايمان

[الاعصار القادم]

حسبنا الله ونعم الوكيل

[أبو عادل]

55:5 55:5 55:5 55:5 55:5 55:5
الله يهدينا ويهدي الجميع

12:12 12:12 12:12
والله إن العين لتدمع وإن القلب ليحزن وإنا لمحزونون على ما يحصل في قطاع غزة
11:11 11:11 11:11

[امطار الصيف]

ايمان بدوي ؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!

شكلها بتنام في مواقع فتح الاخبارية

طيب ايش رايكو اجيب بكرا مقالة اسمي كاتبتها منى عيسى مناضلة من الشيشان

واخليها تشرشح فتح والجهاد فوق البيعة وتعال ساعتها اثبت ان الاسم هذا مش موجود اصلا

ولا نخليه اسم موجود ومعروف ممكن يتم فبركة كلام على لسانه وعادي يعني هو نايم في المواقع الاخبارية الفلسطينية

ايمان بدوي ؟؟؟؟؟ اذا الكلام بتفبرك على لسان القادة بدك ايانا نرد
او نسمع منى الغير معلومة المعالم

[رفح بالقلب]

ايمان بدوي ؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!

هاي بتكون من احد نشطاء الداعية لكسر الحصار عن غزة والاعتراف بشرعية حماس

[أسد الكتائب]

[فلسطيني حر]

ايمان بدوي من المؤيدات المعروفات لحماس

[فتح للأبد]

بالله توصلها رسالة / وقلها خليكي في حالك وحكومتك الفرعونية وياريت تفتحو لينا المعابر ورفح ياسي ايمان

هذا اللى بدك اياها تفتح المعابر
وطز فى الشعب الغلبان

[فتح للأبد]

كل التحية للاخت المسلمة ايمان بدوى من مصر الشقيقة
والحمد لله انه لسه فيه ضمير صاحى وبيحكى كلمة حق
وان شاء الله فرج الله قريب يا اخت ايمان
وربنا ما بيرضة بقتل النفس المسلمة
وان شاء الله سيهلك هؤلاء المجرمون بعاصفة مثل عاصفة عاد وثمود