إعـــــــلان

تقليص
لا يوجد إعلان حتى الآن.

سيادة المخلوع ارجعلنا .. أحمد فؤاد نجم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سيادة المخلوع ارجعلنا .. أحمد فؤاد نجم

    سيادة المخلوع ارجعلنا

    أحمد فؤاد نجم

    سيادة المخلوع ... ارجعلنا
    مش انت واحد مننا ؟؟
    و عمرك في يوم ما سرقتنا
    ولا خدت مليم مننا
    ما تيجي طب ترجعلنا

    تقعد بأهلك وسطنا
    أهو مرة تاكل أكلنا
    وتلبس يا خويا من لبسنا
    وتعيش في حارة او في شارع زينا
    قلت ايه ؟؟ يا حارق دمنا

    سيادة المخلوع ... ارجعلنا
    وغداك يا سيدي عندي أنا
    رز و بطاطـــا مسرطنة
    لحمة ؟؟... مفيش طبعا من سنة
    فاكهة ؟؟... تعيش يا خويا انت و أنا
    و الشاي .. بآخر معلقة م السكر اللي كان عندنا
    اشرب و فوق .. وركز بقــا .. علشان نكمل حكينا

    سيادة الرئيس ... ارجعلنا
    مش سبت الحكم .. لأجلنا ؟؟ـ
    ما تيجي تسمع حكمنا !!ـ
    أفكرك ؟؟ ولا انت فاكر زينا
    قطار اتحرق من كام سنة
    وغازنا اللي طار من أرضنا ... لعدونا
    وعبارة مللي بيغرقوا ..!! غرقت في عرض البحر و راحوا أهلنا
    و الجاني فلسع مننا
    ومركبة بأحلى شباب ... ييجوا من ايطاليا غرقانين والقرش ياكل لحمنا
    والله كانوا زينا ... ويمكن أحسن مننا

    لهم بيوت و ولاد و عيشة و حلم .. زي حلمنا
    اتغربوا و اتبهدلوا .. لما الفساد طال كل حاجة في أرضنا
    واللي ما ماتش .. قاعد في غربته .. والغريب بيذلنا
    اقول كمان ؟؟ ولا كفاية ... و اهو انت عارف عننا
    أصبر هتسمع حكمنا

    سيادة الرئيس ... ارجعلنا
    ولو انت واحد مننا
    فعلا يهمك أمرنا
    بينا عالنائب العام .. تفتنله على ولاد الحرام ... مصوا بلدنا و دمنا
    و افتن دي فتنة مش حرام .. ده حقنا
    دا لو انت واحد مننا
    أصبر هتسمع حكمنا

    سيادة الرئيس ... ارجعلنا
    اقعد معانا و زينا
    هعرفك ...دي (أم خالد) أمنا
    ودول أهل (سالي) أهلنا
    و(عمر بن بنونة ) إبننا
    فسر و احكي و قللهم .. و قللنا
    واستسمح الروح اللي منورة في الجنة عند ربنا
    هتقول مكنش قصدنا ؟؟ـ
    دول ماتوا غصب عننا ؟؟ـ
    كداب و فاجر .. و اللي يصدقك زيك .. والكدب ريحته منتنة
    تتشل إيد اللي ضرب ،، و اللي أمر ،، و عليكوا لعنة ربنا
    أصبر هتسمع حكمنــا

    أيوه بقول ارجع لنا
    ياللي سرقت حلمنا
    وغربتنا و نهبتنا ... و في كل حتة أهنتنا
    إحنا اللي سال دمنا
    في الأربعين و اسكندرية و التحرير يشهدلنا
    آدي القفص ... أقف هنا
    والشعب يحكم .. مش أنا
    صدقني ... هي بينة
    من فوق سبع سماوات .. قالها ربنا
    العين بالعين والسن بالسن ... و هو دا بقه حكمنا
    و مفيش غيره عندنا

    فصرخت فيهم صرخة قالوا كفانا تملقـا..!
    أتريـد منـا ثـورة أتريـد فعـلا أحمـقـا...؟!
    زمنُ البطولة قد مضي وكفانا قولا أخرقا
    إنا تعودنا القيــود ومثلنــا لــن يُعتقـــا..!
    النومُ أفضلُ غايــةً لسنا لمجــدٍ مطلقـا
    يامن تريد كرامةً ثوب الكرامة أُحرِقا..


    وقل ربي ادخلني مدخل صدق واخرجني مخرج صدق واجعل لى من لدنك سلطانا نصيرا.
    نموت ويبقى كل ما قد كتبناه فياليت من يقرأ مقالي دعا لياْْْْ لعل إلهي أن يمن بلطفه ويرحم تقصيري وسوء فعاليا .

  • #2
    رد: سيادة المخلوع ارجعلنا .. أحمد فؤاد نجم

    قصيدة راااااائعة جدا

    بوركت اخي على هذا الانتقاء
    الحمدلله حمدا كثيرا طيبا مباركا فيه


    " عندما سلكنا هذا الطريق كنا نعرف ان تكاليفه صعبة جدا لكن هذا هو واجبنا وخيارنا المقدس"

    تعليق


    • #3
      رد: سيادة المخلوع ارجعلنا .. أحمد فؤاد نجم

      أحمد فؤاد نجم شاعر الشعب والعامة. شكرا لك على هذه القصيدة المميزة والواقعية
      وبارك الله فيك

      تعليق

      يعمل...
      X